Assalomu alaykum. Avvalambor, o'zimni tanishtirsam. Mening ismim Abdulahad. Toshkent shahrida istiqomat qilaman. Yoshim 23 da va keyingi yil turmush qurish arafasidaman. Savolim shundan iboratki: "Ayol kishi turmush qurayotgan vaqtida erining familiyasiga o'tishi joizmi? Bu erining hohishi bo'lsa va albatta ayoli ham bu holatga rozi bo'lsa?"
Assalomu alaykum. Xotinim "ajrashaman" deb bezor qildi, farzandim bor. Mening ajrashish niyatim yo'q. Agar ish sudga berilsa, uni mendan taloqni sotib olishi yoki bolaning menda qolishini talab qilsam bo'ladimi? Nima maslahat berasiz? Oldindan rahmat.
Assalomu alaykum. Avvalambor, sizlardan Alloh rozi bo'lsin, juda ko'p savollarimga javob berib kelasizlar, rahmat! Savolim shundan iboratki, biz davlat korxonasining kichik bir bo'limida ishlaymiz. Guruhimiz bitta boshliq va 9 ta xodimdan iborat. Korxona o'z vaqtida ta'minot qilmaydi yoki umuman ta'minot bajarmaydi. Bizga юklatilgan vazifa-topshiriqlarni o'z vaqtida bajarish uchun yoqilg'i, transport remonti va mayda xarajatlarning hammasiga o'rtada pul tashlab, ya'ni oyliklar yaxshi tushgan payti bir million atrofida pul yig'ib, sarflab ishni bajarishga kelishdik. Oradan bir necha oylar, yilga yaqin vaqt o'tdi. Hamma sheriklar bu ishga birin-ketin pul bermaslikka yoki bersa ham kamroq berishga o'ta boshladi. "Bu o'zining oyligi, umuman bermasa ham o'zining oyligi, o'zining haqqi", deyishdi. Keyin buni men guruhda bo'layotgan voqeani boshliqqa aytib, "Bu ishni to'xtataylik", dedim. Shu paytgacha yig'ilgan pulga rozimiz, bundan buyog'iga pul yig'ishni to'xtataylik, deb norozilik bildirildi, dedim. Keyin ko'p gaplar gapirildi va boshliqning jahli chiqib, oxirgi yig'ilgan, kim qancha tashlagan bo'lsa, o'sha miqdorni hammaga boshliq o'z yonidan qaytarib tashladi. Vaholanki, bu pulga ish юrishi uchun xarajat qilib bo'lingan edi. Endi bizda o'zimiz rozi bo'lib bergan va bu pulga sarf-xarajat qilinib bo'lgan pulning o'zimizga tashlab berilgani turibdi. Men bu pulni ishlatishga jur'at qilolmadim. Mening bu pulga haqqim bormi yoki bu pulni nima qilay? Javob uchun, to'g'ri yo'l ko'rsatganingiz uchun sizlardan Alloh rozi bo'lsin, rahmat!
Assalomu alaykum. Uloq-ko'pkari chopish dinimizda qanday qaralgan? Halolmi yoki harom?
Assalomu alaykum. Meni bir yaqinim 30-35 yosh vaqtlari tish davolatish paytida gepatit yuqtirib oldi. 50 yosh vaqtlarida qant kasaliga chalinchi. Bularga yondosh kasalliklar ham bor. Masalan, yurak, qon bosimi kabi. Bularni hammasi taqdirimi yoki oʻzini salomatligiga eʼtiborsizligidanmi yoki gunohlari u.n Allohdan jazomi? Qanday qabul qilishni bilmay, oilasidagilarni ayblayapti. Ya'ni meni stressga solasizlar deb. Javob uchun oldindan rahmat
Assalomu alaykum. Uyquda ko'zdan chiqqan narsalar ko'z atrofida qolib ketgan bo'lsa, tahorat olganda suv o'tishiga monelik qiladimi? Qotib qolganda-chi?
Ayol kishi Madinadan niyat qilib, ehrom kiygan holda Makkaga kelsa, Ka'baning oldida ketayotganda kiyimini alishtirsa bo'ladimi? Boshqa kiyim kiyishi mumkinmi?
Umrada tavofni tugatgandan so'ng, sa'yga o'tishdan oldin tahorat buzilsa, Safo va Marva orasida sa'y qilsa bo'ladimi?
Yoshi katta ayollar safarga mahramsiz chiqsa buladimi?
Sotgan mashinamni naqdga sotib, yana qayta nasiyaga sotib olsam boʻladimi?