Maishiy texnikalarni muddatli to‘lovga sotib olish shar’an joiz, bunda savdogar texnikani o‘z egaligiga olib, ustiga ma’lum bir foyda qo‘yib, sizga aniq bir narxda nasiyaga sotadi. Bu savdoda narx, to‘lov muddati va oylik to‘lov miqdori oldindan aniq kelishib olinishi va o‘zgarmas bo‘lishi shart. To‘lov kechikkani uchun penya yoki jarima qo‘llanilmasligi lozim.

Agar bu jarayonga bank aralashsa, e’tiborli bo‘lish kerak. Bank texnikani sotib olib, o‘z egaligiga o‘tkazib, keyin sizga nasiyaga sotsa, bu joiz. Ammo bank sizga mahsulot uchun qarz berib, uning ustidan foiz olsa, bu ribo, ya’ni sudxo‘rlik hisoblanadi va shar’an durust emas. Shu sababli, shartnomani diqqat bilan o‘rganib, bankning roli sotuvchi ekaniga amin bo‘lish zarur (biroq, hozirgi kunda yurtimizdagi banklarda xarid qilish huquqi yo‘q).