Va alaykum assalom. Ibodat masalasida ehtiyotkorlik zarur bo'lgani uchun, uyqudan turganda kiyimda noma'lum namlik ko'rgan kishiga g'usl qilish vojib bo'ladi. Garchi maniy alomatlari sezilmasa ham, vaqt o'tishi bilan harorat ta'sirida uning ko'rinishi o'zgargan bo'lishi mumkinligi e'tiborga olinadi. Shu bois, ibodatingiz shubhadan xoli va mukammal bo'lishi uchun g'usl olishingiz maqsadga muvofiqdir.

Umumiy olganda, bu masalada quyidagi holatlar bo'lishi mumkin:

1. Kiyimi yoki badanida namlik topgan kishi ehtilomni eslasa va namlik maziy ekanini aniq bilsa yoki maniy-maziyligida shak qilsa ham, g'usl vojib bo'ladi.
2. Kiyimi yoki badanida namlikni topgan kishi ehtilomni eslay olmasa quyidagi holatlar bo'ladi: A) namlik maziy ekanini aniq bilsa, unga g'usl vojib emas; B) namlik maniy yoki maziy ekanida ikkilansa, Imom Abu Юsuf (toki ehtilomni eslay olmas ekan) g'usl vojib bo'lmaydi deganlar. Imom Abu Hanifa va Imom Muhammad esa g'usl vojib bo'ladi, deyishgan (“Fatovoi hindiya”).

Ibodat bobida masalaning ehtiyoti olingani uchun chiqqan namlik maniy bo'lgan va tana harorati bilan o'zgarishga uchragan, deyiladi. “Uyqudan turgan kishi kiyimida maniy yoki maziyni ko'rsa, unga g'usl vojib bo'ladi” (“Muxtasarul viqoya”, “Al-Muxtor lil fatvo”). Vallohu a'lam.