Bismillahir Rohmanir Rohim.

Tijorat mollari deganda kishi olayotgan paytida qat’iy ravishda tijoratni, ya’ni, olib sotishni qasd qilgan mollar tushuniladi. Shunda quyidagi ko‘rinishlarda olingan mollar tijorat mollari hisoblanmaydi:

1. Bir molni sotib olayotganda tijorat niyati yo‘q bo‘lib, keyinchalik sotish niyati paydo bo‘lsa.
2. Avvaldan o‘zining moli bo‘lib, keyinchalik uni sotishni niyat qilsa.
3. Bir molni sotib olayotganda tijorat niyati yo‘q. Lekin, yaxshi foyda bo‘lsa sotish niyati ham bor bo‘lsa.

Yuqoridagi uch suratda olingan mollar tijorat mollari deyilmaydi. Albatta, buni bilish zakot va qurbonlik masalalarida e’tiborlidir. Vallohu a’lam.

O‘zbekiston musulmonlari idorasi  Fatvo markazi.