Namozni ado etib bo‘lgandan keyin tahorati bo‘lmagani yoki namoz asnosida buzilgani aniq bo‘lib qolsa, o‘qilgan namoz durust hisoblanmaydi va namozxon zudlik bilan qayta tahorat olib, o‘sha namozni boshqatdan o‘qishi lozim bo‘ladi. Buning sababi shundaki, tahorat namozning namozdan tashqaridagi farzlaridan, ya’ni uning durust bo‘lishining asosiy shartlaridan biridir. Tahoratsiz o‘qilgan namoz, garchi barcha arkonlari o‘rniga qo‘yilgan bo‘lsa ham, aslida yo‘q hukmidadir, chunki shart topilmagani uchun ibodat ham durust bo‘lmaydi.

Bu holatda namozxon atayin qilmagani uchun gunohkor bo‘lmaydi, lekin namoz zimmasidan soqit ham bo‘lmaydi. Shuning uchun, qachon bilinsa, o‘sha zahotiyoq tahorat qilib, ibodatni mukammal holda qayta ado etish lozim.