Va alaykum assalom. Yo‘q unday qilib bo‘lmaydi. Chunki siz o‘zingizniki bo‘lmagan narsani sotgan bo‘lasiz. Payg‘ambarimiz sollallohu alayhi vasallam bu ishdan qaytarib, shunday deganlar: لا تبِع ما ليسَ عندَكَ “O‘zingniki bo‘lmagan narsani sotma” (Imom Termiziy, Abu Dovud va Nasoiylar rivoyat qilishgan). Shuningdek, bir mahsulotni “Qachon, sotilsa, pulini beraman” degan shart bilan olsa ham savdo durust bo‘lmaydi. Bu haqida alloma Ibn Nujaym rohimahulloh shunday zikr qilganlar: وَلَوْ اشْتَرَاهُ عَلَى أَنْ يُؤَدِّيَ الثَّمَنَ مِنْ بَيْعِهِ فَهُوَ فَاسِدٌ كَذَا فِي الْبَحْرِ الرَّائِقِ . “Bir narsani pulini sotilsa berish sharti bilan xarid qilsa, savdo nojoiz bo‘ladi” (“Al-Bahrur-roiq”) (“Fatovoi olamgiriyya” kitobi). Demak, foyda qo‘yib sotish uchunnasiyaga bo‘lsa ham bir muddatni belgilab sotib olib ya’ni baraka qilib keyin sotish mumkin. Chunki nasiya savdoda muddat ta’yin qilinishi shart bo‘ladi.