QURILISH

ID: 3832

01.11.2025

23

Savol:

Mening savollarim quyidagicha 1). Men rossiyadagi bir rus qurilish firmasi bilan kelishgan xolda ustalar OLIB boraman. Masalan bir ishni 1 mln. rubl gaplashib, ularga 800 ming rubl deb, qolganini o‘zimga olishim mumkinmi. (Ustalar qatori o‘zim ham qo‘shilib ishlayman birgadir bo‘lib hamma javobgarlik menda) 2)Biz o‘zaro kim ishni tugatmasdan ketib qolsa ishlagan xaqqidan 30% ushlab qolinadi deb kelishib olganmiz, shu ishimiz joizmi?

Javob:

Bismillahir Rohmanir Rohim.

  1. Agar bir kishi buyurtmachidan ma’lum bir ishni aniq bir narx barobariga qabul qilib olsa va shu ishni qilishga usta yollasa, bu ikkita alohida bitim hisoblanadi. Masalan, 100 ga qabul qilib olgan ishini ustalarga 80 ga qildirsa, 20 foydasi unga halol. Ustalarni pulini u to‘laydi, unga buyurtmachi to‘laydi.
  2. Ma’lum bir summani belgilab chegirib qolish to‘g‘ri emas. Agar jo‘yali sabab bilan kimdir ishini tugatmasdan ketib qolsa ishlagan miqdoricha haq berish kerak bo‘ladi. Vallohu a’lam.

O‘zbekiston musulmonlari idorasi Fatvo markazi

Mavzular

Eng ko‘p o‘qilgan savollar