Assalomu alaykum. Savolim shundan iboratki:Rossiyada ishlaydigan birodarlarimiz ishlari haqida. Bir kishi o'zi usta. Odamlar faqat undan so'raydi ishini qilib beradigan odam bor yo'qligini.O'sha usta ish topib bergani uchun ish haqini 10 foizini oladi. Shu to'g'rimi. Javob uchun oldindan rahmat
Ва алайкум ассалом ва роҳматуллоҳи ва баракатуҳ. Иш топиб бергани учун бир марталик ҳақ олса, жоиз бўлади. Чунки даллоллик эвазига ҳақ олишни фуқаҳоларимиз жоиз дейишган. Аммо “Сен шу ерда қанча ишласанг, ҳар ойлигингдан менга шунчадан бериб турасан”, деб, ҳар ой ҳақ олиши мутлақо ҳалол бўлмайди. Зеро унинг хизмати иш топиб бериш билан якунига етган бўлади. Ундан кейин оладиган пули ҳеч бир эвазсиз (меҳнатсиз) олинган бўлади. Бу эса унга ҳалол бўлмайди. Лекин иш топиб бераётган шахс бошқага ёрдам бериш, ишсиз юрганнинг ҳожатини чиқариш мақсадида пул олмасдан шу ишни қилса, катта ажрга эга бўлади. Валлоҳу аълам.