Assalomu alaykum ba’zi insonlar 18 ming olamni yaratgan Allohga hamdu sanolar bo‘lsin deb duo qilishadi. Rostdan ham Alloh 18 mingta olamni yaratganmi?
“18 ming olam” iborasi ba’zi tafsir kitoblarida, xususan Imom Suyutiyning "Ad-Durrul Mansur fit tafsiri bil ma’sur" kitobida Vahb ibn Munabbihdan naql qilingan. Ba’zi ulamolar olamlar sonini 80 ming desa, boshqalari son-sanoqsiz darajada ko‘p deyishgan. Biroq, bu raqamlar Qur’oni karim oyatlari yoki sahih hadislarda kelmagan. Umuman olganda, bu ibora Alloh taoloning cheksiz qudratga ega ekanini, U zot yaratgan mavjudotlar juda ko‘pligini ifodalash uchun ishlatilgan.