Va alaykum assalom. Bismillahir Rohmanir Rohim. Namozda Fotihadan so‘ng zam sura o‘qish vojib amal hisoblanadi. Bunda eng kami uch oyat qisqa yoki bitta uzun oyat o‘qish vojibdir. Demak, zam suraning eng kam miqdori belgilab qo‘yilgan. Ko‘pini esa chegarasi yo‘q. Ammo mu’tabar fiqhiy manbalarda farz namozlarida bir rakatda bitta sura bilan kifoyalanish mahbub ekani, sunnat va nafl namozlarida ikkita-uchta sura o‘qishning zarari yo‘q ekani bayon qilingan. Vallohu a’lam.