Va alaykum assalom va rohmatullohi va barokatuh. Bismillahir rohmanir rohim.

1. Agar mayyitni badanida najosat bo'lsa, юvilgan suv nopok suv hisoblanadi. Lekin najosat bo'lmasa, u suv obi musta'mal (ya'ni o'zi pok, ammo poklaguchi bo'lmagan suv) bo'ladi. Bu haqda fatvo kitoblarida shunday deyiladi:

“Mayyit yuvilgan suv nopokdir. Imom Muhammad rahimahulloh "Al-Asl" kitoblarida uni og'ir yoki yengil najosatga ajratmadilar. To'g'rirog'i shuki, agar mayyitni badanida najosat bo'lmasa, u suv obi mustamal bo'ladi. Lekin Imom Muhammad rahimahulloh najosat turiga ajratmaganlarining sababi, ko'p xollarda mayyitni badanida najosat bo'ladi. "Az-Zahiriyya" kitobida shunday deyilgan” ("Fatovoyi hindiya" kitobi). Xullas, mayyit yuvilgan suv shariatimizda alohida ehtirom qilinishi kerak bo'lgan suv emas. Shuning uchun uni insonlarga tegmaydigan joyga to'kish maqsadga muvofiq.

2. Vafot etishidan oldin rozilik so'rash mumkin. Ammo vafot etib bo'lgan kishidan rozilik so'ralmaydi. Agar vafot etgan kishi mendan norozi bo'lib ketdi, deb tashvishga tushayotgan bo'lsa, Allohdan uni rozi qilib berishni so'rashi mumkin. Vallohu a'lam.