Bismillahir Rohmanir Rohim. Mahr ham erning zimmasidagi ado qilinishi zarur bo'lgan haqlardan biridir. Ado qilinmagan mahrning nasiya qismining ado qilish muddati er-xotinlardan birlarining o'limi yoki o'rtaga taloq tushib ajrashilganda etib kelgan bo'ladi. Shuning uchun er mahrni bermasdan vafot etib ketgan bo'lsa va marhumning uy-joyi, mashinasi, chorva hayvonlari, pul va boshqa narsalardan iborat mol-dunyolari bo'lsa, o'shalarni merosxo'rlarga berishdan oldin barcha qarzlari, jumladan xotinning mahri ham uzilishi shart. Agar hech narsa qoldirmagan bo'lsa yoki qoldirgan moli etarli bo'lmasa, u holda o'g'li yoki boshqa merosxo'rlar istasa, otamizning mahrlari uchun, deb ado qilib qo'yishlari mumkin. Ado qilmasalar, qiyomatga qoladi. Vallohu a'lam.