Vaalaykum assalom. Inson o‘zini payg‘ambarlarga qiyoslashi emas, balki ularga ergashishi va ulardan o‘rnak olishi lozim. Agar kishi "Men ham ulardek da’vat qilyapman" qabilida gap gapirib, buni kibr, riyo yoki o‘zini ulug‘lash uchun aytsa, bu durust ish emas.

Ammo niyati xolis bo‘lib, u zotlarning sabr-matonati, ibodati yoki axloqidan ibrat olish, o‘zini va boshqalarni yaxshilikka undash maqsadida "Payg‘ambarlar sabr qilganidek biz ham sabr qilaylik" degan ma’noda gapiradigan bo‘lsa, bu maqtovga loyiqdir. Demak, farq kishining niyatida va o‘zini qanday tutishidadir. Vallohu a’lam.