Va alaykum assalom va rohmatulloh. Imom qaysi namozni o'qiyotganini niyat qilsa kifoya, odamlarga imomlikka o'tayotganini niyat qilishi shart emas. Imom bo'lishni niyat qilmay namoz o'qisa ham jamoatning namozi sahih bo'lavaredi. Ammo jamoatdagi kishilar imomga iqtido qilayotganini niyat qilishi shart. Agar iqtidoni niyat qilmasa, uning namozi durust bo'lmaydi. Niyat deganda qalbdan o'tkazish nazarda tutilmoqda, til bilan aytish emas. Imomlikka o'tayotgan kishi imom bo'layotganini niyat qilishi shart emas deyildi, ammo buning bitta istisnoli o'rni bor. Agar jamoatda ayollar ham bo'lsa, ayollarning namozi durust bo'lishi uchun imom ularga imomlik qilayotganini niyat qilishi shart. Agar imom niyat qilmasa, ayollarning namozi durust bo'lmaydi. Vallohu a'lam.