Juma kuni birinchi azondan avvalgi ma’ruza ilm majlisi hisoblanib, uni tinglash o‘sha vaqtdagi eng afzal amaldir. Shu sababli, boshqa nafl namozlar o‘qish yoki tilovat qilishdan ko‘ra ma’ruzaga quloq solish to‘g‘riroqdir. Biroq, masjidga endi kirgan kishi, agar quyosh qiyomga kelib, namoz o‘qish makruh bo‘lgan vaqt kirib qolmagan bo‘lsa, o‘tirishdan oldin ikki rakat tahiyatul masjid namozini o‘qib olishi mumkin. Shuningdek, ma’ruzaga quloq solgan holda, til bilan zikr qilib o‘tirish ham durust.