Bismillahir Rohmanir Rohim.

Hanafiy mazhabida namozdan "salom" lafzi bilan chiqish vojib.

Namozning ichki farzlari oltita bo‘lib ular quyidagilardir:

1. Takbiri tahrima.
2. Qiyom, ya’ni tik turish. (Bir kishi tik turishga qodir bo‘la turib, o‘tirib o‘qishi durust emas. Shuning uchun farz va vojib namozlarda qiyom farz).
3. Qiroat.
4. Ruku.
5. Sajda, ya’ni har rak’atda ikki sajda qilish farz.
6. Tashahhud miqdoricha qa’dada o‘tirish. Ya’ni tashahhud o‘qish miqdoricha qa’dada o‘tirish farz.

"Bizning (Hanafiylar) nazdimizda namozdan "salom" lafzi bilan chiqish vojib, farz emas" (Al inoya sharhul Hidoya kitobi, 2 jild, 22 bet). Vallohu a’lam.

O‘zbekiston musulmonlari idorasi  Fatvo markazi.