Bismillahir Rohmanir Rohim. Erkak kishi o'z turmush o'rtog'iga (umuman, ayollarga) imomlik qilishi durust. Imomga o'tayotgan erkak ayollarga ham imom bo'lishini niyat qilishi lozim. Qolaversa, ayol kishi erkak kishiga iqtido qilganida orqa safda turishi kerak bo'ladi.

Fiqhiy manbalarimizda safda turish masalasi quyidagicha bayon qilingan:

ويصف الرجال ثم الصبيان ثم الخنثي ثم النساء

ya'ni: “Safda avval erkaklar, so'ng yosh bolalar, so'ng xunasalar, so'ng ayollar turadi” (“Muxtasarul viqoya” kitobi).

Agar xotin eriga iqtido qilib namoz o'qishsa va ulardan boshqa odam bo'lmasa, xotin orqa safda turadi. Vallohu a'lam.