Va alaykum assalom. Mahsi suv o‘tkazmasligi kerak deganda, qo‘lni xo‘l qilib mahs tortganda oyoqqa namlik o‘tmasligi nazarda tutiladi. Zero ichini suvga to‘ldirsa, teridan bo‘lgan mahsilardan ham suv o‘tishi mumkin. Agar siz aytgan mahsida quyidagi shartlar topilsa, mash tortish joiz:

1. Qo‘lni xo‘l qilib mahs tortganda oyoqqa namlik o‘tkazmasin.
2. Matosi qalin bo‘lgani sababli, rezina yoki bog‘ichsiz ham oyoqda o‘zi tursin, oyoqdan tushib ketmasin (Tik turish deganda o‘zini yerga qo‘ysa etikka o‘xshab o‘zi tik turishi nazarda tutilmagan).
3. Matosi qalin bo‘lgani sababli hatto yaxshilab qarasa ham teshiklari orasidan oyoq ko‘rinmasin.
4. Ustidan narsa kiymasa ham o‘zi bilan eng kamida 5 km yurish imkoni bo‘lsin. Mana shu shartlar topilsa, mash tortish mumkin. Vallohu a’lam.