Bismillahir Rohmanir Rohim.

Xolangizning qizlari ukangizga emikdosh opa-singillar bo‘lib, ular o‘rtasida nikoh joiz emas. Sizning oilangizdagi ukangizdan boshqa farzandlar xolangizning farzandlari bilan nikohlanishi joiz. Chunki ular sut emishgan aka-uka, opa-singil emas. Bu mavzuda "Kanzud-daqoiq" kitobida shunday deyiladi:

وتحل أخت أخيه رضاعا

"Aka (yoki uka)sining emikdosh opa (yoki singlisi) unga halol bo‘ladi". Ya’ni, chaqaloq begona biror ayolni emish muddati (ikki yarim yil) ichida emgan bo‘lsa, u ayolning farzandlari o‘sha emgan bolaga nikohi halol emas. Lekin emgan bolaning aka-uka, opa-singillari emizuvchi ayolning farzandlari bilan nikohlanishi joiz. Vallohu a’lam.

O‘zbekiston musulmonlari idorasi Fatvo markazi.