Bismillahir rohmanir rohiym.

Dinimizda farzand balog‘atga yetgunicha uni yedirib-ichirish, kiyintirish, uy-joy va boshqa barcha zaruriy jihozlar bilan ta’minlash, shuningdek, xastalik yetsa davolatish va ta’lim tarbiya berish ham otaning zimmasiga vojibdir. Bu haqida Alloh taolo “Baqara” surasida marhamat qilgan:

وَعلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ

ya’ni: "...Ularni ma’ruf ila yedirib, kiyintirish tug‘dirganning zimmasidadir..." (233-oyat). 

Shunday ekan bolaga beshik olish ham otaning zimmasida. Bu majburiyatlarni bajarmasdan boshqalarning zimmasiga yuklash durust emas. Vallohu a’lam.

O‘zbekiston musulmonlari idorasi  Fatvo markazi.