Bismillahir Rohmanir Rohim.

Masalan, ayolning odati 7 kun bo‘lgan bo‘lsa va hayz qoni o‘n kundan oshib 14 kunga to‘xtasa, 7 kundan ortig‘i istihoza (kasallik qoni) hisoblanadi. 10 kundan keyin hamma namozlarni vaqtida o‘qiydi. Lekin 10 kungacha hayz bo‘lish ehtimoli (ya’ni, odati 7 kundan 8 yo 9 yoki 10 kunga o‘zgarishi mumkin) bo‘lgani uchun namoz o‘qimay turadi. O‘n kundan oshib ketsa, ana endi 7-kundan keyingi namozlarni qazosini o‘qiydi.

Ikki hayz o‘rtasidagi poklik muddati kamida 15 kun bo‘lishi kerak. Undan kamida qon ko‘rsa, bu istihoza qoni hisoblanadi. Bizni misolda o‘sha poklik muddati 7 kundan boshlab hisoblanadi.

Endi bevosita savolning javobiga kelsak, hayz odati 10 kun bo‘lgan ayol 14 kun qon ko‘rsa, 4 kuni istihoza bo‘ladi. Keyin yana 10 kun pok yurib, qon ko‘rsa, bu holatda ikki qon o‘rtasidagi poklik 14 kun bo‘lib qoladi. Bu holatda faqat 15-kundan keyin hayz hisoblanadi. Ungacha namozlarini o‘qiydi. Vallohu a’lam.

O‘zbekiston musulmonlari idorasi 

Fatvo markazi.