Bismillahir rohmanir rohiym.

Alloh taolo insonni barcha maxluqotlar ichida eng mukarrami va azizi qilib yaratdi. Ularning bir-biridan mukarramligini esa ularni taqvolariga bog‘liq qilib qo‘ydi. Alloh taolo Qu’roni karimda "Albatta, sizlarning Alloh nazdidagi eng hurmatlirog‘ingiz taqvodorrog‘ingizdir" (Hujurot surasi, 13-oyat) deb marhamat qildi. Shunday ekan, biror inson boshqa insonni hatto o‘z kelini bo‘lsa ham past sanab, odam o‘rnida ko‘rmasliklari ayni gunoh ishdir. Nabiy sollallohu alayhi vasallam: "Musulmon – musulmonlar uning tilidan va qo‘lidan salomat bo‘lgan odamdir. Muhojir – Alloh qaytargan narsadan uzoqda (hijratda) bo‘lgan odamdir", dedilar (Imom Abu Dovud rivoyati).

Shu o‘rinda bir mulohaza bor. Qaynota va qaynonalar barcha farzandlariga: o‘g‘il-qiz, kelin-kuyovlariga murabbiy hisoblanadilar. Ular farzandlarining foydasini o‘ylab gapirgan nasihatlarini muhtarama kelinlarimiz o‘zlarining foydasi deb qabul qilsinlar. Vallohu a’lam.

O‘zbekiston musulmonlari idorasi  Fatvo markazi.