Bismillahir rohmanir rohiym.

Bilmasdan xato qilish asosan, uch xil ko‘rinishda bo‘ladi:

1. Namozning sunnat va mustahablarini tark qilish.

Bilmasdan namozning sunnat va mustahablarini tark qilsa va shu bilan namozni tugatsa, bu namoz durust. Uni qayta o‘qilmaydi. 

2. Namozning vojiblarini tark qilish, yoki o‘rnini almashtirish, yoki kechiktirish. Namozni rukn (farzlari)ni takroriy qilish.

Namozda unutib bu kamchiliklarga yo‘l qo‘ysa, bu xatoni namozning oxirida sajdai sahv bilan to‘g‘rilaydi va namozni qayta o‘qimaydi.

Agar namozni sajdai sahv qilmay tugatsa yoki namozning vojiblaridan birini qasddan tark qilsa, namozni qayta o‘qiydi.

3. Namozning farzlarini tark qilish.

Bilmasdan namozning farzlaridan birortasini tark qilsa bu namoz durust bo‘lmaydi. Uni qayta o‘qib olinadi.

Bu masalani yanada yaxshi bilib olish uchun namozning farzlari, vojiblari va sunnatlarini hamda sajdai sahv masalasini o‘qib-o‘rganish kerak bo‘ladi. 

Vallohu a’lam.

O‘zbekiston musulmonlari idorasi 

Fatvo markazi.