Biz ushbu kompaniyalarning faoliyatini batafsil o‘rganmaganimiz sababli, ular borasida aniq xulosa bera olmaymiz. Umumiy tavsiya shuki, sarmoya kiritishdan oldin, ushbu kompaniyalarning faoliyati shariat talablariga mos ekanligini tasdiqlovchi rasmiy "halol" sertifikati mavjudligiga e’tibor qarating.

Agar bunday sertifikat, albatta, ishonchli va e’tirof etilgan shar’iy nazorat tashkiloti tomonidan taqdim etilgan bo‘lsa, o‘sha mutaxassislarning guvohligiga tayanib, ular bilan ishlashingiz joiz.

Biroq, shuni unutmaslik lozimki, "shariatga muvofiqlik" sertifikati kompaniyaning "moliyaviy ishonchli" ekanini kafolatlamaydi. U faqatgina kompaniyaning pul aylantirish uslubi halol ekanini, ya’ni uning ribo, qimor va boshqa harom sohalarga aralashmasligini tasdiqlaydi. Sarmoyangizning saqlanishi, ko‘payishi yoki aksincha, yo‘qolish xavfi esa, butunlay o‘sha kompaniyaning ish yuritish mahoratiga, vijdoniga va bozordagi umumiy vaziyatga bog‘liqdir.