Bismillahir Rohmanir Rohim.

Bu borada Fiqhiy kitoblarimizda, jumladan Hidoyaning sharhi Inoyada shunday deyiladi:

( فَإِنْ قُشِرَتْ نَفْطَةٌ فَسَالَ مِنْهَا مَاءٌ أَوْ صَدِيدٌ أَوْ غَيْرُهُ إنْ سَالَ عَنْ رَأْسِ الْجُرْحِ نَقَضَ ، وَإِنْ لَمْ يَسِلْ لَا يَنْقُضُ) وَقَالَ زُفَرُ رَحِمَهُ اللَّهُ يَنْقُضُ فِي الْوَجْهَيْنِ

"Agar yara archilsa (shilinsa) va undan suv, yiring yoki boshqa narsalar chiqsa va jarohatning bosh qismidan oqadigan darajada bo‘lsa, tahoratni sindiradi. Agar oqmaydigan darajada bo‘lsa, sindirmaydi. Imom Zufar har ikki holatda sindiradi deganlar".

Yana bir muhim narsa: oyoqlarni yuvib, tahoratli holda kiygan maxsimiz oyoqlardagi tahoratni himoya qilib turadi shuning uchun unga mash tortishimiz kifoya qiladi. Ammo maxsi kiyilgandan so‘ng oyoqlarimizdan tahoratni buzuvchi narsalar (qon, yiring va hokazolar) chiqsa oyoqlarni yuvishga to‘g‘ri keladi. Endi unga mash tortish joiz bo‘lmaydi. Vallohu a’lam.

O‘zbekiston musulmonlari idorasi  Fatvo markazi.