Bismillahir Rohmanir Rohim. Bemor biroz vaqt tik turishga quvvati etsa, kuchi etgunicha turib namoz o'qishni boshlaydi va namoz asnosida toliqib qolsa, namozni o'tirib davom ettiradi. Kishi ruku va sajda qilolmasa, o'tirib ruku va sajdani boshi bilan imo qilib, namoz o'qiydi. Bu holda boshini rukuga eggandan ko'ra ko'proq sajda uchun egadi. Aks holda namozi durust bo'lmaydi. U sajda qilishi uchun biror narsa baland qilib qo'yilmaydi. Ruku va sajdani boshi bilan imo qilib namoz o'qishga qodir bo'lmagan bemor ruku va sajdani ko'zi, qoshi yoki qalbi bilan imo qilib, namoz o'qimaydi. Vallohu a'lam.