Siz qarz berib, uni ustamasi bilan qaytarib berishini so‘rabsiz. Bu ayni sudxo‘rlik bo‘lib, dinimizda qat’iy ta’qiqlangan. Buning o‘rniga, agar savdo qilmoqchi bo‘lsangiz, o‘zingiz 7000$ ga o‘sha mashinani sotib olib, keyin tanishingizga 11000$ ga 2 yil muddatga nasiyaga sotishingiz joiz edi. Endilikda darhol tavba qilishingiz, bu kelishuvni bekor qilib, faqat bergan 7000$ asosiy pulingizni qaytarib olishga rozi bo‘lishingiz shart. Asosiy puldan ortiqcha olingan har qanday miqdor ribo hisoblanadi.