Ha, zam sura o‘qishni unutib, ruku’ qilib qo‘ysa, namoz oxirida sajdai sahv qilish vojib bo‘ladi. Har qanday namozlarining avvalgi ikki rak’atida Fotiha surasidan keyin zam sura o‘qish vojib amal hisoblanadi. Vojib – bajarilishi shart bo‘lgan, ammo farz darajasida bo‘lmagan amaldir. Namoz ichida biror vojib amal unutib tark qilinsa, namozning oxirida sajdai sahv qilish bilan namozdagi kamchilik to‘ldiriladi va namoz durust bo‘ladi. Shu sababli, agar namozxon zam sura o‘qishni unutib, ruku’ga ketib qolsa, u vojib amalni tark etgan hisoblanadi va namozini yakunlash uchun oxirgi o‘tirishda tashahhuddan so‘ng salom berib, ikki marta sajda qilishi, so‘ng yana tashahhud, salovat va duolarni o‘qib, namozni tugatishi vojib bo‘ladi.