Ассалому алайкум. Мен яқин қариндошим билан шерикчиликда қўй боқмоқчиман. Қариндошим пул берадилар, 100 тача қўй олиб, 1-1,5 йил айлантириб пулларини қайтараман. Улар бу ишнинг исломий тартибда бўлишини хоҳлаяптилар. Шунда фойданинг неча фоизини беришим керак? Исломий тартибда шерикчилик шартлари қанақа бўлади?
Ваалайкум ассалом. Ушбу шерикчилик шариатда «музораба» битими деб аталади. Унга кўра, қариндошингиз қўйларни ҳамда уларнинг эм-хашагини сотиб олиш учун тўлиқ сармоя киритади, сиз эса меҳнатингиз билан уларни боқасиз. Олинадиган соф фойданинг қандай нисбатда (масалан, тенг ярми ёки 40 га 60 фоиз каби) бўлинишини иш бошлашдан олдин аниқ келишиб олишингиз шарт. Келишилган муддат якунида дастлаб қариндошингизнинг тиккан асосий сармояси чиқариб берилади ва ундан ортган соф фойдагина ўзаро келишилган фоиз асосида тақсимланади. Валлоҳу аълам.