Бисмиллаҳир Роҳманир Роҳим.

Ғайридинлар ҳаққига шифо ва ҳидоят сўраб дуо қилиш жоиз. Бу ҳақида Абу Абдураҳмон Абдуллоҳ ибн Масъуд розияллоҳу анҳудан ривоят қилинган ҳадисда шундай дейилади:

"Мен гўёки Расулуллоҳ соллаллоҳу алайҳи васалламга қараб тургандекман, у зот қуйидагича ҳикоя қилаётгандилар: "Пайғамбарлардан бирларини қавми уриб, қонга белаб қўйишди. У пайғамбар йузларидан қонни артиб, "Аллоҳим, қавмимни мағфират қилгин, чунки улар билмайдилар", деб айтардилар". (Муттафақун алайҳ). Валлоҳу аълам.

Ўзбекистон мусулмонлари идораси  Фатво маркази.