Ассалому алейкум саволим шундан иборатки бир неча кун олдин бир одам вафот этди. Биз ўша одам учун шомдан кегин ҳаққига Қуръон ўқиб қўйсак бўладими. Ёки фақат кундузи ўқишиммиз керакми. Жавоб учун олдиндан рахмат.
Ва алайкум ассалом. "Шом намозидан кейин тасбеҳлар айтилмайди ёки камроқ айтилиши керак, Қуръони карим тиловат қилинмайди" деган гап йўқ. Аммо бизнинг диёрларда Шом намозидан кейин Қуръон тиловати қилмаслик урф бўлган. Аксарият жамоатларда тасбеҳлар тўлиқ айтилиб, оятал курсий ҳам ўқилади. Аслида тасбеҳ ва тиловат қилиш бошқа намозларда бўлгани каби Шом намозидан кейин ҳам мустаҳаб амал. Демак, кимдир Шомдан кейин ҳам тиловат қилишни ҳоҳласа бунга шаръий монеълик йўқ. Валлоҳу аълам.