Ассалому алайкум, аҳли иймон! Менинг исмим Ғайрат. Шу ёзда иккита фарзанди бор аёлга уйланган эдим. Уни шаръий ва қонуний никоҳимга олдим, иншааллоҳ. Менинг ҳозирги вазиятимда чет элга, айнан Қозоғистонга кўчиб кетиш масаласи бор. Болаларнинг отасидан рухсат олдим ва ушбу нотариал рухсат билан бизда беш йилгача амал қиладиган ҳуқуқ бўлади. Фақат беш йилдан сўнг яна Ўзбекистонга қайтиб, рухсат сўраш керак бўлади. Ушбу қийинчиликларнинг олдини олиш учун болаларнинг отасини қонуний оталикдан маҳрум қилиб, уларни ўз қарамоғимга олмоқчи эдим. Шунда болаларнинг фамилиясини ўзгартирмасдан, олдинги исм-шарифида қолиш имкони йўқ экан. Исломда ҳам фарзандларнинг асл насабини ўзгартирмаслик кераклиги ҳақида кўп таъкидланган далилларни ўқидим. Ҳозирги ҳолатда нима қилишимиз кераклигига бошим қотди. Фарзандларнинг келажаги учун шаръан тўғри йўлни айтиб юборсангизлар. Раҳмат.
Ваалайкум ассалом. Ўзга шахсни оталик мақомидан маҳрум қилиб, болалар насабини ўзгартириш ва уларни ўз номингизга ўтказиш жоиз эмас. Гарчи машаққатли бўлса-да, айтганингиздек, ҳар беш йилда рухсат олиш йўлини танлаб, шариат аҳкомларига амал қилишингиз лозим. Аллоҳ таоло ушбу ҳаракатингиз ва қийинчиликларингиз эвазига ажрингизни кўпайтириб беради, иншааллоҳ. Валлоҳу аълам.