Ассалому алайкум! Аёл хомиладор бўлсайу, эр мажбурликдан четга ишлагани кетса, аёл эрини уйида ёлғиз (овунишга ҳали фарзанди йўқ) қайнона қайнота, овсину уларнинг фарзандлари билан яшамай, онасиникида туриши қанчалик тўғри? (Аёл аввалги хомиласини 8 ойликда йўқотган унда ҳам эрдан узоқлиги, сиқилиш сабаб. Эрни уйида ўладиган иш йўқ аммо аёл эри ёнидамаслигидан эзилади, уй уйда вақт секин ўтади. Қайнотасининг катта қарзи туфайли кетишга мажбур бўлган. Хомиладор ҳолида эридан бошқа одамга егиси келган нарсани айтолмайди тортиниб, фақат эри пул топиб олиб келган насибани ҳаловат билан еёлади, оилада қайнака ва овсин уйда рўзғор қилса бир коса овқатни ҳамма каби еёлади холос ортиғни емайди. Ўзларининг фарзандини ризқи деб. Нимадир тугаб қолса қолмадими, тугаб қолдими деб сўралса худди ўзи еб тугатиб қўядигандек. Овсин ишлайди, эрталаб кетиб кечга қайтади, боллари уйда шўх.) Эрни оиласи эса келинни онасиникида туришига қаршироқ, эп кўришмайди (ваҳоланки муаммо келиннинг ҳиссиётларини тушунмасликларида), ё уйдаги ишлар қолиб кетаётганидан ё одамларнинг гап сўзидан қўрқиб (ери кетишига келинни ҳам жўнатиб йуборишибди дегандек). Гап фақат эр билан ётиб туришда (узр, пастел да) эмас. Аёл эрини олдида ўзини ҳаловатда ҳис қилади, хомиладор ҳолида суянишни, ёнида бўлишини, эркалик қилишни, меҳр олишни хоҳлайди. Тўғри аёл ўз онасиникида эри билан яшамайди, аммо у ерда хоҳлаган нарсасини беминнат истеъмол қилади (хомилага керакли бўлган), эркин бўлади. Кечаси ёлғиз ётмайди. Гап шундаки она уйида отаси ва онаси бор холос. Шунингдек, аёл эрини уйида қайнакаси ва овсини оиласи билан болалари билан бахтиёр, кулишиб хурсанд йуришса аёлнинг хўрлиги келади. Балки қайнака ҳам укасига ёрдам берганида И ҳам хотинини ташлаб кетмасди.
Шаръан, аёл эрининг уйида яшаши лозим бўлса-да, ҳомиладорлик пайтида эрнинг розилиги билан ўзига қулай ва хотиржам муҳитда яшашига рухсат берилади. Эрининг оиласи келиннинг ҳолатини тушуниши, унга ғамхўрлик қилиши ва уни кераксиз гап-сўзлару руҳий сиқилишлардан асраши лозим. Ҳомиладорлик даврида эр ҳам аёлига қўшича зарурий озуқалар етказиб туриши ва ҳомиладорлик соғлом ўтиши учун барча сабабларни ҳозирлаши лозим. Агар аёл онасининг уйида ўзини хотиржам, эркин ва соғлом ҳис қилса, эрининг рухсати билан у ерда вақтинча туришига монелик йўқ, чунки динимизда аёл ва унинг қорнидаги болага зарар етишининг олдини олиш муҳимдир.