Бисмиллаҳир Роҳманир Роҳим.

Саъйдан фориғ бўлгач Масжидул ҳаромда икки ракат намоз ўқиш мустаҳаб амал ҳисобланади. Бу ҳақида “Ғунятун носик” китобида қуйидагича келтирилган:

وندب ان یختم السعی برکعتین فی المسجد کالطواف

 “Тавофда бўлганидек саъйдан фориғ бўлгач, икки ракат намоз ўқишлик мустаҳабдир”.

Худди шунингдек Имом Ҳаскафий “Дуррул муҳтор”да:

وندب ختمه (السعي) بركعتين في المسجد كختم الطواف

“Тавофда бўлганидек, саъйни ҳам икки ракат намоз ўқиш билан тугатиш мустаҳабдир” деганлар.

Бундан ташқари “Роддул Муҳтор”, “Баҳрур ройиқ” каби мўътабар китобларимизда ҳам саъйдан кейин Масжидул ҳаромнинг бирор жойида икки ракат намоз ўқишни мустаҳаб эканлиги айтиб ўтилган. Валлоҳу аълам.

Ўзбекистон мусулмонлари идораси  Фатво маркази.