Ассалому алайкум, менда савол бор эди: Қон таркибидаги плазмани донор сифатида топшириб, унинг эвазига пул олиш ҳаром амалми? Бу аъзоларни сотиш ҳукмида бўлиб қоладими? Жавоб учун раҳмат.
Ва алайкум ассалом. Шариатимиз аҳкомларига кўра инсон аъзолари ва қони инсоннинг мулки ҳисобланмагани боис, уларни сотиш ва эвазига пул олиш дуруст эмас. Плазма ёки қон топширишни тижоратга айлантирмай, фақат инсонийлик юзасидан, беғараз амалга ошириш лозим. Шундагина бу иш ибодат даражасига кўтарилиб, савобга сабаб бўлади. Валлоҳу аълам.