Ассалому алайкум. Онам хижоб ўрайди. Ёши 57 да, лекин кўчага чиққанда атир сепиб чиқадилар. Отам бу дунёдан фоний дунёга кетганлар. Мен катта ўғилман. Саволим шуки Бир ҳадис ўқиб қолдим Унда қайсики Бир аёл кўчага атир сепиб чиқсайу ва эркаклар олдинда ўтса у аёл Зино қилган гуноҳи ёзилади дейилган адашмасам. Мен онамга шуни чиройли қилиб кўнглига озор бермай тушунтирсам мен ақл ўргатган бўлиб қолмайманми. Жавоб учун олдиндан Рахмат. Аллох илмларингизни бунданда зиёда килсин.
Аёл киши зарурат йузасидан кўчага чиқса, ўзига оро бермай, эркакларнинг назарини ўзига қаратмайдиган, авратларини тўсадиган, шаффоф бўлмаган кийимда бўлиши шариатимиз талабидир.
نْ أَبِي مُوسَى رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِذَا اسْتَعْطَرَتِ الْمَرْأَةُ فَمَرَّتْ عَلَى الْقَوْمِ لِيَجِدُوا رِيحَهَا فَهِيَ زانية. رَوَاهُ أَصْحَابُ السُّنَنِ
Абу Мусо разияллоҳу анҳудан ривоят қилинган ҳадисида Набий соллаллоҳу алайҳи васаллам: “Қайси бир аёл атир билан хушбўйланса сўнг (кўчага) чиқса ва унинг ҳидини ҳидлашлари учун бирор қавм олдидан ўтса, бас, у зинокордир. Ҳар бир кўз зинокордир” (Имом Аҳмад, Имом Насоий ва Имом Ҳоким ривоят қилишган).
Онангизга бу масалани чиройли услубда, меҳрибонлик билан тушунтиришингиз ақл ўргатиш ҳисобланмайди. Ушбу ҳадисни эслатиб, атирнинг бегона эркаклар эътиборини тортиши мумкинлиги ва бунинг шариатда қайтарилганини одоб билан айтинг.