Никоҳ ўқилвотганда маҳрни "спалний камплект" деганлар. Маҳрни мандан сõрамаганлар. Ман кейин маҳрга уй ва тилла сўраганман никоҳ кечаси рози бўлганлар. Орадан вақт õтиб сўрагаман, "бермиман уй ва тиллани" деганлар. "Гувоҳинг йўқ, никоҳ ўқилвотганда "спалний камплект" деганман, бошқа нарса бермиман, гувоҳинг йўқ" дейди. Тўйдан келган уйда рози бўлгансз, десам йўқ дивоттила. Нима қилсам бõлади?
Ҳанафий мазҳабидаги мўътабар манбалардан бир бўлган “Дуррул муҳтор” китобида қуйидагича ёзилган:
(وَمَا فُرِضَ) بِتَرَاضِيهِمَا... (بَعْدَ الْعَقْدِ)... (أَوْ زِيدَ) عَلَى مَا سُمِّيَ فَإِنَّهَا تَلْزَمُهُ بِشَرْطِ قَبُولِهَا فِي الْمَجْلِسِ... وَمَعْرِفَةِ قَدْرِهَا...
“Никоҳ ақдидан кейин... икки томоннинг ўзаро розилиги билан... ёки белгиланган маҳрга (қўшимча) зиёда қилинса, бас, (ўша қўшимча) эрнинг зиммасига лозим бўлади (вожиб бўлади), бу (қўшимчанинг) миқдори маълум бўлиши ва (агар эр таклиф қилса) аёлнинг ўша мажлисда қабул қилиши шарти билан”.
Ушбу фиқҳий қоидадан маълум бўладики, никоҳ ақдида бир маҳр белгиланганидан кейин ҳам, эр-хотин ўзаро розилик билан ўша маҳрга қўшимча қилишлари мумкин.
Сизнинг ҳолатингизда, никоҳ кечаси "уй ва тилла" сўраганингизда эрингиз рози бўлган экан. Демак, ўша "уй ва тилла" ҳам аслий маҳрингизга қўшилиб, эрингизнинг зиммасидаги адо этилиши вожиб бўлган қарзга айланган. Энди унинг "бермайман" дейиши хотиннинг ҳаққини поймол қилиш ҳисобланади.