Фиқҳга кўра, бўлиб тўлаш шарти билан (халқ тилида – variantga) машина сотиб олинган ҳолатда, савдо битими тузилган вақтдаёқ харидор шаръан мулкдорга айланади ва унинг зиммасига сотувчи олдида тўлиқ қарз мажбурияти йукланади. Сотувчининг, тўлов тўлиқ амалга оширилмагунча машина ҳужжатларини ўзида ушлаб туриши, бунга таъсир ўтказмайди.

Шунга кўра, агар харидор тўловни тугатмасдан вафот этса, у сотувчидан қарздор ҳолатда вафот этган ҳисобланади. Бу қарз унинг қолдирган мол-мулкидан меросхўрлар ўртасида тақсимланишдан аввал тўлиқ адо этилиши шарт. Харидорга тегишли бўлган ушбу машина ҳам унинг мероси таркибига киради ва қарзни узиш учун ишлатилиши мумкин.