Ассалому алайкум. Уйда намоз вақти кирса, азон айтиб намоз ўқиш керакми? Агар намоз вақти 10 минут ўтиб кетса ҳам азон айтиб ўқиладими? Жавоб учун раҳмат.
Ваалайкум ассалом. Ҳар бир фарз намозини ўқишдан аввал у учун азон айтиш суннатдир. Магарам, сиз яшаб турган маҳалладаги масжидда сиз ўқимоқчи бўлаётган намоз учун аллақачон азон айтилган бўлса, сиз айтмаслигингиз мумкин. Аммо, намоз қазо бўладиган бўлса, у ҳолда у учун барибир азон айтишингиз даркор. Валлоҳу аълам.